MNsure yog dabtsi?

MNsure yog ib qhov chaw us luam uas Minnesota cov neeg yos yuav tau, muab piv rau lwm qhov thiab xaiv qhov kev pab them nqi kho mob uas ua tau raws li koj cov kev xav tau.

Tag nhro MNsure cov kev npaj pab kho mob muaj them rau cov kev kho mob xws li mus pw hauv tsev kho mob, cov kev pab thaum muaj xwm txheej ceev, kev pab rau thaum cev xeeb tub thiab thaum tau tus me nyuam tshiab, cov tshuaj kws kho mob sau ntawv mus yuav, kev tiv thaiv kab mob thiab kev noj qab nyob zoo, kev noj qab haus huv ntawm siab ntsws thiab kev kuaj qhov muag rau cov me nyuam.

MNsure cov kev npaj pab kho mob muaj cov kev tiv thaiv cov neeg tau txais kev kho mob. Luag tsis muaj cai txwv kev pov hwm rau koj vim koj twb muaj ib tug mob ua ntej los lawm, thiab tsis muaj cai yuav tsub tus nqi them kom siab dua rau koj vim koj qhov keeb kwm mob nkeeg. Nws tsis muaj qhov nyiaj dollar txwv tsis pub tshaj hauv lub xyoo los yog lub neej.

Leej twg thiaj siv tau MNsure?
Yuav kom tau kev tsim nyog cuv npe kom tau daim ntawv kho mob los ntawm MNsure koj yuav tsum:
- Yog ib tug pej xeem hauv lub xeev Minnesota, thiab
- Yog ib tug Xam Xaj Meskas los yog caj ces (national) Meskas, los yog nyob hauv teb chaws Meskas yam raug cai
- Tsis raug kaw hauv qhov taub
Nyeem txog seb yam dabtsi es MNsure daim ntawv thov kev pab nug txog Xam Xaj Meskas thiab ghov nyob rau teb chaws nov zoo li cas (citizenship thiab immigration status).
Leej twg thiaj yog Xam Xaj Meskas?
Xam Xaj Meskas yog ib tug neeg es yug hauv lub teb chaws Meskas los yog ntawm daim av es yog Meskas li ciam teb, los yog yug txawv teb chaws es tsis yog hauv teb chaws Meskas thiab lawv yog:
- Xeem tau daim Xam Xaj Mekas, los yog
- Tau yog Xam Xaj Meskas thaum lawv niam thiab txiv xeem tau daim Xam Xaj Meskas, los yog
- Yog Xam Xaj Meskas vim yog raug coj los tu ua me tub menyuam los ntawm tus niam thiab txiv es yog Xam Xaj Meskas, los yog
- Tau daim Xam Xaj Meskas thaum yug kiag los vim yog lawv yug los ntawm tus niam thiab txiv es yog Xam Xaj Meskas, yuav tsum xam tias yeej poob rau tej qho nqi lus es tsim nyog, los yog
- Tau Xam Xaj Meskas los ntawm txoj cai lij choj.
Leej twg yog caj ces (national) Meskas?
Ib tug es yog caj ces (national) Meskas yog tus neeg es:
- Yug rau haiv neeg Meskas Samoa los yog Swains Island, los yog
- Yug rau lub pov txwv ntawm Northern Mariana Islands thiab xaiv qhov es kom yog caj ces (national) Meskas es tsis xaiv qhov tias yog Xam Xaj Meskas, los yog
- Yug txawv teb chaws hauv teb chaws Meskas rau ib tug niam txiv los yog ntau tus niam txiv es yog yog caj ces (national) Meskas.
Qhov es nyob hauv teb chaws Meskas yam raug cai txhais li cas?

Qhov es nyob hauv teb chaws Meskas yam raug cai es tsis muaj daim Xam Xaj yog ib tug neeg es tau pub cai rau nws nkag los los yog nyob hauv lub teb chaws Meskas thiab yeej tsis tau ua tej yam txhaum es tsis ua raws li lawv lawv cov lus pom zoo. Feem ntau, yog ib tug neeg qhov kev tso cai rau nyob tseem tsis tau txiav txim los ntawm tsoom fwv immigration, lawv yeej yog cov es nyob hauv teb chaws yam rau cai.
Qhov es nyob hauv teb chaws Meskas yam TSIS RAUG cai txhais li cas?
Qhov es nyob hauv teb chaws Meskas yam tsos raug cai muaj xws li tug neeg es:
- Nkag los rau lub teb chaws Meskas yam tsis tau kev tso cai (Nkag los yam tsis tau raug kuaj), los yog
- Muaj daim ntawv visa es dhau caij nyoog lawm, los yog
- Twb yeej tsis tau tso cai rau nyob hauv teb chaws Meskas ntxiv lawm.