Yuav ua cas thiaj li tau daim ntawv pab them nqi kho mob tshiab

Muaj ib lub caij cuv npe tshwj xeeb (SEP) rau cov tib neeg es tsis tsim nyog tau daim ntawv kho mob Medical Assistance los yog MinnesotaCare lawm. Qhov no yog ib lub hwv tsam rau koj cuv npe rau daim ntawv kho mob es muaj tswv hu ua private health insurance, thiab koj yuav tsum tau ua kom sai li sai tau.

Nyeem daim ntawv ceeb toom es MNsure tau xa tuaj rau koj hauv pais xab nis tuaj es hais tias koj qhuas lis fais rau qhov kev cuv npe tshwj xeeb thiab tsim nyog yuav daim ntawv kho mob es muaj tswv (kuj muaj ib lub npe hu ua qualified health plan)
Kab lus ntawm hauv ntej ntawm daim ntawv ceeb toom no hais tias, “Txhob cia kom nrug lub caij nyoog es tsis muaj daim ntawv kho mob: Raus tes kiag hnub no kom muaj kev pab them nqi kho mob rau xyoo 2024.”
Yog tias koj muab daim ntawv ceeb toom ua pawv lawm, hu rau MNsure lub chaw teb xov tooj ntawm 651-539-2099 (855-366-7873 sab nraum lub nroog ntxaib).
Ua raws nraim li cov lus cob qhia kom paub ua nyob rau hauv daim ntawv ceeb toom. Nws yuav qhia koj cov kauj ruam yuav tau ua kom cuv tau npe thaum lub caij cuv npe tshwj xeeb.
Koj yuav tsum tau xaiv ib daim ntawv kho mob (plan) ua ntej hnub xaus nyob rau hauv koj daim ntawv ceeb toom.

Kuv nrhiav puas tau kev pab kom xaiv tau ib daim ntawv pab them nqi kho mob (plan) thiab pab cuv npe?

Tau kawg, koj yeej nrhiav tau kev pab cuv npe dawb los ntawm MNsure-tus neeg muaj daim ntawv pov thawj pab tib neeg es pab tim ntseg tim muag, hauv xov tooj, los yog sib ntsib saum huab cua.

Ib tug neeg muag daim ntawv pab them nqi kho mob hu ua navigator los yog broker yeej qhia tau koj txog koj cov kev xaiv, thiab tus neeg muag daim ntawv kho mob yeej muab tau tswv yim rau koj txog xaiv ib daim ntawv kho mob (plan) es haum rau koj.

Daim ntawv es sib piv txog cov ntawv kho mob hu ua MNsure's plan comparison tool yeej pab tau koj xaiv ib daim ntawv kho mob (plan) es kom tau raws li koj qhov kev kho mob thiab kom koj them taus.
Kuv puas tau nyiaj pab kom txo kuv qho nqi them rau daim ntawv kho mob?
Nws muaj ob hom kev pab txog nyiaj es muaj pab los ntawm MNsure:
- Qho se hu ua Advanced premium tax credits txo tus nqi them txhua hli rau koj daim ntawv kho mob, es yog them rau lub tuam txhab muag daim ntawv kho mob kom thiaj li pab koj them cov nqi kho mob.
- Qhov es sib pab them hu ua Cost-sharing reductions pab txo lwm cov nqi, es tsis yog qhov nqi them txhua hli rau daim ntawv kho mob.
Daim ntawv ceeb toom es koj tau txais los ntawm MNsure qhia rau koj tias seb koj puas tsim nyog tau kev pab txog nyiaj txiag los tsis tsim nyog, hom nyiaj twg, thiab pab pes tsawg.

Peb Daim ntawv es sib piv txog cov ntawv kho mob hu ua plan comparison tool yeej pab tau koj kwv yees txog tus nqi ntawm qhov yuav thiab siv daim ntawv kho mob txawv.
Thaum twg kuv daim ntawv kho mob tshiab mab li pib?
Kuv yuav siv kuv daim ntawv pab them nqi kho mob tshiab li cas?

Daim ntawv kho mob muaj tswv hu ua Private health plans mas kuj yog ib qho tshiab rau koj. Kawm kom paub txog qhov sib txawv ntawm cov ntawv kho mob es muaj tswv hu ua Private health plans thiab cov ntawv kho mob Medical Assistance thiab MinnesotaCare thiab yuav siv koj daim ntawv pab them nqi kho mob tshiab li cas hauv Koj phau ntawv coj qhia txog daim ntawv kho mob es muaj tswv txog qhov pab them cov nqi kho mob los ntawm MNsure.